منتدي الراعي الصالح
اهلا ومرحبا بك في منتدي الراعي الصالح رجاء التسجيل او الدخول ان كنت عضو فتفضل بالدخول

يوميات حماتى "الست محاسن"

استعرض الموضوع السابق استعرض الموضوع التالي اذهب الى الأسفل

يوميات حماتى "الست محاسن"

مُساهمة من طرف ابن الراعي في الخميس مارس 25, 2010 9:48 pm

الست محاسن



المشهد :

البلكونة

( ام كلثوم ) هل رأى الحب سكارى ... سكارى .. مثلنا ... و ..............





العواف عليكم
محسوبتكم محاسن .... ست سكرة ... و الحتة كلهم حبايبى
قصدونى فى الراديو بتاعكم اللى اسمه مابصر ايه ده
و الله ما فاكره اسمه
ااااااااه اذاعة حواء
ااااااااااه هاها
عشان اقدملكم حلقه كل اسبوع فى نفس المعاد ده
و ان شاءلله انتص فى نظرى مافهمتش البرنامج عن ايه
بس ادينا بنحكّى
ال ايه يوميات حماتى ... انا حماه ؟؟؟
طب دا انا طيبة خالص و العيبة ماتطلعش من بوؤى
غيرشى بس الحق بيزعل



القصد
انا حكيلكم كل يوم حكاية من الغلب الللى انا بشوفه
و ادينا برغى و بنقضى وقت حلو مع بعض
و النبى فرحت لما قالولى انى حبقى معاكم

(التيليفون)
ترررن تررررن ... تررررن تررررررن


استنوا اما اروح ارد ......

الوووووووووو
ايوا
مين ؟؟
اااااهلا اهلا يا حبيبة امك ازيك
و ازاى العيال و عاملة ايه مع جوزك ؟؟
ينيله
ما قلتلك من الاول خليكى شديدة و ادبحيله القطة ماسمعتيش كلام امك
اشربى بقى
معلش اما اجيلك حفرجه و لا يهمك


باى ياى يا حبة عين امك
تك (قفلت التيليفون)


دى بنتى مديحة



غلبانة و منكسرة و جوزها والنعمة طيب بس مايستاهلهاشى
و دماغة ناشفة و مش مقدر النعمة اللى فى ايديه
ياما قلتلها قصقصى ريشه اول باول ماسمعتش الكلام
اصلها طيبة و غلبانة مشششششش


اصل انا عندى مديحة و شوقى
شوقى ده الكبير
حبيب امه زينة الشباب
طول بعرض و باشمهندس اد الدنيا



[center]من يجى يومين كدة كنا بنخطبله واحدة زميلته فى الشغل
اسكوتوا
لما رحنا نخطبهاله كان يوم

رحنا طبعا كانت الدنيا مش سايعاهم
هم كانوا يطولوا شوقى ابنى
باشمهندس اد الدنيا و راجل ملو هدومه و زينة الشباب
هما كانوا حيلاقوا لبنتهم زيه


القصد
رحنا هناك و استقبلونا تقولوش ناقص يفرشولنا الارض رمل
و اهلا و نورتونا و انستونا و يادى النور يادى النور

حكم
باينلها البت بايرة و لا ايه ؟؟؟

و دخلنا و قعدنا
و لقينا العروسة داخلة علينا كدة من غير كسوف
و بوش مكشوف

ال ايه تسلم
دا كان زمان الواحدة مننا وشها مايبانش
من كتر ماهى موطية و وشها فى الارض
بنات اخر زمن

لأ و ايه ؟؟
داخلة و حاطة الاحمر و الاخضر
يابجاحتك

سلمت عليها : اااااهلا اهلا بعروستنا ست الصبايا
ممممموة ممممموة(ببوسها)
تعالى اقعدى هنا جنبى ياعروسة ابنى

و قعدت و مش حقولكوا عليا بقى
فرزتها
من اول ساس راسها لحد اسم الله على مقامكم مداسها

البت شكلها حلو
مش حلو اوى
مش بطالة يعنى

شعرها ناعم
وبتعرف تكسر البندق


و لاقيتها قامت
و دخلت جوا و خرجت شايلة صنية عليها كام كوباية
و داخلة بشويش لا يقعوا
مششششش زمان
الواحدة كانت تدخل شايلة الشربات و الشاى و القهوة و صحن الفاكهة كله فى صنيه واحدة
انما دلوقتى لو جابت كوباية مية يبقى كتر خيرها

ايييييييه معلش يابت يا محاسن .. عديها

القصد



قعدت جنبى و قعدت ابوصلها من فوق لتحت ... ايه ده ؟؟؟
هى مالها مخستعه كدة ليه ؟؟؟
سوفيفه كدة و مسلوعة و جلد على عضم
و لا باينلها وش من افا

قولت موش مهم
بكرة تتخن
واهى عاجبة الباشمهندس

قولت
احنا طالبين ايد بنتم المصونة لابنى البااااااااشمهندس شوقى على سن و رمح
و طبعا اديكم شايفينه اهه زينة الشباب
و انتوا ناس كومل و ما تتخيروش عننا ابدا


استنونى حروح اعمل كوباية شاى
و ارجع اكملكوا الكلام

اوعوا تمشوا
اخاصمكم اه
ااااااااااااهاها
على رائى البت الجديدة
دية نانسى
[/center]

_________________

ابن الراعي
الاداره

عدد الرسائل : 203
العمر : 30
الموقع : http://alrahy-alsaleh.yoo7.com
تاريخ التسجيل : 24/10/2008

معاينة صفحة البيانات الشخصي للعضو http://alrahy-alsaleh.yoo7.com

الرجوع الى أعلى الصفحة اذهب الى الأسفل

استعرض الموضوع السابق استعرض الموضوع التالي الرجوع الى أعلى الصفحة

- مواضيع مماثلة

 
صلاحيات هذا المنتدى:
لاتستطيع الرد على المواضيع في هذا المنتدى